ප්රවීණ රංගන ශිල්පිනී අයිරාංගනී සේරසිංහ මහත්මියගේ උපන්දිනය යෙදී තිබුණේ ඊයේ (09) දිනයි.
අයිරාංගනී සේරසිංහ මෙරට සිනමාවෙන් බිහි වුනු විශිෂ්ටතම රංගනවේදිනියක මෙන්ම, ලාංකීය සිනමා ඉතිහාසයේ පුරාවෘතයක් බදුයි.
ලෙස්ටර් ජේම්ස් පීරිස් සූරීන්ගේ 'රේඛාව' චිත්රපටය හරහා සිනමා රංගනයට එක්වන ඇය සංදේශය, දෙලොවක් අතර, දෙවනි ගමන, වෑකන්ද වලව්ව, බක්මහ දීගේ සංදේශය, රන්සළු, ආදර කතාව, පොරොන්දුව, ලොකුදුව, දඩයම, සුදු සෙවනැලි ,
සක්මන් මළුව , ඉරැස්මා, අවරගිර, සුදුකළු හා අළු, කිණිහිරියා මල්, සාමාරා,රෝස කැලේ, වෝටර්, ද මැටර් ඔෆ් ලව් වැනි සිනමාපට රැසකට රංගනයෙන් එක් වූවා.
ඇය රංගනයෙන් එක්වුනු ජාත්යන්තර සිනමා නිර්මාණ අතර ‘Indian Jones & the Temple of Doom’ හොලිවුඩ් සිනමාපටය මෙන්ම ‘Water’ ඉන්දියානු සිනමාපටයත් වනවා.
දූ දරුවෝ, ගම්පෙරළිය, යශෝරාවය, නෑදෑයෝ, සත්පුර වැසියෝ, අම්මයි තාත්තයි, දූවරු ආදිය අයිරාංගනී සේරසිංහ රංගනයෙන් එක් වූ ටෙලි නිර්මාණ අතුරින් කිහිපයක්.
සිය රංග ප්රතිභාව වෙනුවෙන් දෙස් විදෙස් සම්මාන රැසකට පාත්ර වූ ඇය, පසුගිය වසරේ රාජ්ය නාට්ය උළෙලට සමගාමීව, ජීවිතයේ එක්වරක් පමණක් පිදෙන "නාට්ය කීර්ති" ගෞරව සම්මානයෙනුත් පිදුම් ලැබුවා.
පහතින් දැක්වෙන්නේ ඊයේ දිනයේ දිනයේ දී කලාකරුවන් සහ පවුලේ සාමාජිකයන් සමඟ ඇය සිය 98 වන ජන්ම දිනය සැමරීමට එක්වූ අවස්ථාවේ චායාරූප කිහිපයක්.
(ඡායාරූප උපුටා ගැනීම - දීපානි සිල්වා (Deepani Silva) රංගන ශිල්පිනියගේ මුහුණු පොත ඇසුරිනි)
