ඉහත දැක්වෙන්නේ ගැහැනුන් ගැන ලියවුණු කවියකි. ගැහැනු ජීවිතයේ රෝස පැහැය අග දිලෙන අඳුරු අහුමුලු අතගෑමට ඉඩ සලසන රසිකා මුහන්දිරම්ගේ කිවිඳියගේ 'ගැහැනු හිටියෙම හිනාවීගෙන' කාව්‍ය සංග්‍රහය දොරට වැඩීමේ උත්සවය අගෝස්තු 27 වැනිදා සන්ධ්‍යාවේදී ගාල්ල සවුත්ලන්ඩ් විදුහලේදී උත්සවාකාරයෙන් පැවැත්විණි.
මහාචාර්ය ලියනගේ අමරකීර්ති, මහාචාර්ය මොහොමඩ් මහීස්, ආචාර්ය අමරසිරි වික්‍රමරත්න, ජනතාවාදී ගත්කතුවර චූලානන්ද සමරනායක, කාව්‍ය ලේඛිකා ප්‍රගීතිකා ජයසේකර, මාධ්‍යවේදිනී විශාඛා වේහැල්ල යනාදී කාව්‍යකරණ සහ නිර්මාණකරණ ලැදි පිරිසකගේ සහභාගිත්වයෙන් මෙම කාව්‍ය එළිදැක්වීම සිදු කෙරිණි.