ඔබ මේ දවස්වල ඉන්දියාවේ ජනප්රියයි කියලයි ආරංචි. ඉන්දියාවේ මොකද කරන්නේ මේ දවස්වල?
ඉන්දියාවේ මේ දවස්වල ලෝකේ Content Creator Committees තියෙනවා. එතකොට Cricket Content Creator Committee එකක මම ශ්රි ලංකාව නියෝජනය කරන එකම සමාජිකයා. එතකොට ඉන්දියාවේ IPL එක කවර් කරන්නට මම මේ පාර පළමු වතාවට ගියා. මම මීට කලින් බංගලාදේශ් ගිහින් “බංගලිදේශ් ප්රමියර් ලිග්” එක කවර් කළා. Content Creator කෙනෙක් හැටියට Blogger කෙනෙක් හැටියට එතකොට IPL එක කවර් කරන්න ගියා, මම ගියාට පස්සෙ එතන මගෙ Content කොහොමත් ඉන්දියාවේ පුරාම වයිරල් ගිහින් තිබ්බේ. මම යන්න කලින් ඉඳන්ම ගියාට පස්සේ ඒක දෙගුණ තෙගුණ වුණා.
එතකොට මට පළමු වතාවට හැබැහින් දකින්න ලැබුණා, මිනිස්සුන්ගෙන් මට තියෙන්නෙ මොනවා වගේ ආදරයක් ද? කියලා. එතකොට ඉන්දියාවේ ඒ වැඩ කටයුතුවලට තමා ගියේ. නමුත් මම එතනට ගියාම ශී්ර ලංකාවේ රංගන ශිල්පියෙක් කියලා දැනගත්තාට පස්සෙ රංගනයටත් පොඩි පොඩි ආරාධනා ලැබුණා. ඒ කියන්නෙ තෙළිඟු වෙබ් සීරිස් එකට. තෙළිඟු සිරීස් එකට ආරාධනා ආවේ ඒ විදියට. එතකොට මම එතනට ගිහින් Creator කෙනෙක් හැටියට කටයුතු කළා. විශේෂයෙන්ම IPL තරගවල සන් රයිසස් හයිද්රාබාද් කණ්ඩායම සමඟ කිට්ටුවෙන් මම කටයුතු කළා.
ලංකාවෙන් එතෙර ලැබුණ පිළිගැනීම මොනවගේද?
එතෙර ලැබුණු පිළිගැනීම නම් මම හිතන්නේ ඒක ව්ශාලයි. හිතාගන්න බැහැ. ඒක ඇත්තටම පළවෙනි දේ සිද්ධ වුණේ කොහොමද? කියන එක, මොකද මම එහෙම බලාපොරොත්තුවක් තිබ්බෙ නැහැ. මගේ International content අන්තර්ජාතික වශයෙන් පිළිගැනීමක් තියෙන කලාකාරයෙක් විදියට මම ජිවිතේට බලාපොරොත්තු වුනේ නැහැ, හැබැයි ඒක මට ලැබිලා තියෙනවා. ඒක දෙයියෝ දිපු දෙයක් කියලා මම විශ්වාස කරන්නේ.
මම ඉන්දියාවට අඩිය තියපු තැන ඉඳන් මිනිස්සු මම ඉන්න තැන් හොය හොය එනවා. 100/200km තරණය කරගෙන මාව බලන්න, මාත් එක්ක photo එකක් ගහන්න, මගෙ අත්සනක් ගන්න එනවා. එතකොට හයිද්රාබාද් , බොම්බායේ, දිල්ලි මේ හැම තැනකදිම නොසිතු විදියේ ආදරයක් මට ලැබුණා. ඉතින් එතකොට මට ඉතාමත් සතුටුයි. මගෙ Content ඒ කට්ටිය ආසාවෙන් බලනවා කිව්වම.
-sarasaviya -
