කලා නිර්මාණයක් ගැන සමාජ මාධ්ය තුළ අදහස් පළ වන ආකාරය දෙස බැලීමේදී පෙනී යන්නේ ඇතැම් පිරිස් කෙතරම් අවිචාරවත්ද යන්නයි. 'රැජීනීයේ 'චිත්රපටය පිළිබඳ මුල් දිනවල සිදුකළ සාකච්ඡා දැක, නිළි රැජිනගේ චරිතය සඳහා **සෙනාලි ෆොන්සේකා සුදුසු බවට මා පළ කළ පොස්ට් ලැබුණු ප්රතිචාර හරිම පුදුම සහගතයි.
එම අවස්ථාවේදී ෆේස්බුක් පරිශීලකයන්ගෙන් මතය විමසූ විට බොහෝ දෙනෙක් කියා සිටියේ මාලනී පොන්සේකා මහත්මියගේ චරිතයට සෙනාලි සම්බන්ධ වීම මාලනීට කරන අගෞරවයක් බවයි. "මාලනීගේ චරිතයට සෙනාලි ආවොත් ඒ ගැන ඇය ලැජ්ජා විය යුතුයි" කියා පොස්ට් එකට කෙනෙක් අදහස් දක්වා තිබුනානමුත් අද තත්ත්වය හාත්පසින්ම වෙනස්!
දැන් එම චරිතය සඳහා තාරුකා වන්නිආරච්චි තෝරාගෙන ඇති බව දැනගත් සැණින්, එදා සෙනාලිට "ලැජ්ජා විය යුතුයි" කී පිරිසම අද අහනවා "ඇයි සෙනාලිව මේකට ගත්තේ නැත්තේ?" කියලා. මේක හරියට තමන්ගේම මතය තමන්ටම අමතක වීමක් වගෙයි.
මෙහිදී අප තේරුම් ගත යුතු සැබෑ තත්ත්වය මෙයයි:
පවුලේ ගෞරවය යම් හෙයකින් මෙම චිත්රපටයෙන් මාලනී පොන්සේකා මහත්මියට අගෞරවයක් වෙනවා නම්, ඒ ගැන මුලින්ම ලැජ්ජා වෙන්නේ සහ වේදනා විඳින්නේ ඇගේම පවුලේ අය නෙවෙයිද? සෙනාලි කියන්නේ ඇගේම ලේ ඥාතියෙක්. එවැනි තත්ත්වයක් තුළ, තමන්ගේම පවුලේ මහා වෘක්ෂයට අගෞරවයක් වන නිර්මාණයකට සෙනාලි හෝ පවුලේ කිසිවෙකු සම්බන්ධ වනු ඇතැයි සිතීම පවා මුලාවක්.
සෙනාලිගේ නිහතමානීකම: තමන්ට එම අවස්ථාව නොලැබුණත්, සෙනාලි ඉතාමත් ලස්සනට පැමිණ තාරුකාට සුබ පතන අයුරු මම දුටුවා. එදා ඇයට "ලැජ්ජා විය යුතුයි" කී අයට ඇය වෘත්තීයවේදීව සහ ඇගේ ගුණාංගවලින් පිළිතුරු දී අවසානයි.
විශ්වාසය: මෙම නිර්මාණයට සම්බන්ධ වූ සෙනාලි හෝ වෙනත් කිසිවෙකු නිළි රැජිනට අගෞරවයක් වන කිසිවක් නොකරන බව අප විශ්වාස කළ යුතුයි.
තවත් විශේෂ දෙයක් තිබෙනවා. මේ චිත්රපටයට තවත් **දක්ෂ රංගන ශිල්පීන් ශිල්පිනියන් රැසක්** දායකත්වය ලබා දී ඇති බව මා දුටුවා. ඔවුන් සියලු දෙනාගේ එකතුවෙන් ඉතාමත් **සුපිරි නිර්මාණයක්** දැකබලා ගැනීමට අපට අවස්ථාව ලැබෙනු ඇතැයි මා විශ්වාස කරනවා.චිත්රපටය බලන්නත් කලින් "අපහාසයක්" කියලා හංවඩු ගහන්න ඉක්මන් වෙන්න එපා. තාරුකා හෝ සෙනාලි වේවා, ඔවුන් දෙදෙනාම තමන්ට ලැබෙන වගකීම උපරිමයෙන් ඉටු කරන දක්ෂයින්. අපි නිර්මාණය නරඹලාම තීරණය කරමු!
