ලොකු නැන්දා ගැන Film එකක් කරන එකට අපිටත් බය හිතුණා… සෙනාලි ෆොන්සේකාගේ සංවේදී හෙළිදරව්වක්!
(Lakvahni) - හෙළ සිනමාවේ "නිළි රැජිණ" ලෙස විරුදාවලිය ලත් මාලනී ෆොන්සේකාගේ ජීවන වෘත්තාන්තය සිනමාවට නැගීම පිළිබඳව කලා ලෝකයේ දැඩි අවධානයක් යොමුව තිබේ. ඇයගේ ලේලියක වන ජනප්රිය රංගන ශිල්පිනී සෙනාලි ෆොන්සේකා පවසන්නේ, මෙම දැවැන්ත චරිතය සිනමාවට නැගීමේදී පවුලේ සාමාජිකයන් තුළ මුලින් යම් බියක් පැවති බවයි.
ප්රතිරූපය පිළිබඳ පැවති බිය සහ විශ්වාසය:
"සමහර චරිත ලේසියෙන් නිර්මාණය කරන්න බැහැ. විශේෂයෙන්ම මාලනී ෆොන්සේකා වැනි දැවැන්ත ප්රතිරූපයක් ගැන චිත්රපටයක් කරනවා කිව්වම, ඇයට සාධාරණයක් ඉෂ්ට වෙයිද, ඇගේ පෞරුෂය ආරක්ෂා වෙයිද කියන බය අපේ පවුලේ හැමෝටම තිබුණා," යැයි සෙනාලි ෆොන්සේකා සඳහන් කළාය.
කෙසේ වෙතත්, මෙම නිර්මාණය පිටුපස සිටින කණ්ඩායම පිළිබඳව තමාට දැඩි විශ්වාසයක් පවතින බව ඇය අවධාරණය කරයි. විශේෂයෙන්ම ආචාර්ය ජයන්ත ධර්මදාස මහතා සහ සිනේස්ටාර් පදනම (CineStar Foundation) මාලනී ෆොන්සේකාගේ දිවියේ සමීපතමයන් වීම එම විශ්වාසයට හේතු වී තිබේ.
සිනේස්ටාර් සහ නවලෝක සහයෝගය:
මාලනී ෆොන්සේකා රෝගාතුරව සිටි අවධියේදී නවලෝක රෝහල සහ ජයන්ත ධර්මදාස මහතා ඇයව තමන්ගේම පවුලේ කෙනෙකු ලෙස රැකබලා ගත් අයුරු සෙනාලි මෙහිදී කෘතවේදීව සිහිපත් කළාය. එම ආදරය සහ රැකවරණය මෙම සිනමා නිර්මාණය තුළද ඒ අයුරින්ම පවතිනු ඇති බව ඇයගේ විශ්වාසයයි
