කීරා නයිට්ලි: සුරංගනා කතාවකට වඩා අමුතු ගමනක් ඇයගේ සිනමා ගමනේ පළමු ලොකුම හැරවුම් ලක්ෂ්යය සනිටුහන් වෙන්නේ 1999 වසරේදී ලෝක ප්රකට "ස්ටාර් වෝර්ස්" (Star Wars: Episode I – The Phantom Menace) චිත්රපටයට සම්බන්ධ වෙන්න අවස්ථාව ලැබීමත් එක්කයි. එහි ප්රධාන චරිතයක් කරපු ලෝක ප්රකට නිළි නටාලි පෝට්මන් සමඟ තිබුණු පුදුමාකාර රූපමය සමානකම නිසාම ඇයට එහි සැබෑ රැජිනගේ ආරක්ෂාවට ඉන්න වෙස්වලාගත් චරිතය නිරූපණය කරන්න අවස්ථාව ලැබුණා.
මේ චිත්රපටය කොච්චර සාර්ථක වුණාද කියනවා නම්, ඇඳුම් පැළඳුම් සහ මේකප් දමලා ඉන්නකොට මේ දෙන්නා කවුද කියලා වෙන් කරලා අඳුරගන්න ඔවුන්ගේම මව්වරුන්ට පවා අමාරු වුණා කියලා එකල හොලිවුඩයේ ලොකු කතාවක් පැතිරුණා. ඉන්පසුව 2002 වසරේදී තිරගත වුණු "බෙන්ඩ් ඉට් ලයික් බෙකම්" (Bend It Like Beckham) කියන බ්රිතාන්ය චිත්රපටය හරහා ඇය ජාත්යන්තර වශයෙන් සිනමා විචාරකයන්ගේ දැඩි අවධානයට ලක්වීමට සමත් වුණා. එහි ඇය රඟපෑවේ පාපන්දු ක්රීඩාවට දැඩි ලෙස ඇලුම් කරන තරුණියකගේ චරිතයක් වන අතර, එම චිත්රපටය ලොව පුරා අතිශය ජනප්රියත්වයට පත් වුණා.
නමුත් කීරා නයිට්ලි කියන නාමය ලෝකයේ අස්සක් මුල්ලක් නෑරම ඉන්න හැම සිනමා රසිකයෙක් අතරටම අරන් ගියේ "පයිරට්ස් ඔෆ් ද කැරිබියන්" (Pirates of the Caribbean) චිත්රපට මාලාව කිව්වොත් නිවැරදියි. 2003 වසරේදී එහි පළමු චිත්රපටය වන "The Curse of the Black Pearl" තිරගත වෙද්දී, ඇය එහි නිරූපණය කරපු "එලිසබෙත් ස්වෝන්" (Elizabeth Swann) කියන චරිතය මුළු ලෝකයම වසඟයට ගත්තා.
ජොනි ඩෙප් සහ ඔර්ලන්ඩෝ බ්ලූම් වැනි හොලිවුඩ් දැවැන්තයන් සමඟ කරට කර සිටිමින් ඇය දැක්වූ රංගන පරාසය නිසාම, ඇය හොලිවුඩයේ ඉදිරි පෙළේම ඉන්න සුපිරි නිළියක් බවට පත්වුණා. සාමාන්යයෙන් චිත්රපටයක ඉන්න අහිංසක, බේරාගන්නකම් බලන් ඉන්න කාන්තා චරිතවලින් මිදිලා, මුහුදු කොල්ලකරුවන් එක්ක සටන් කරන අභීත කාන්තාවකගේ ප්රතිරූපය ඇය මේ චිත්රපට මාලාව පුරාම ඉතාම විශිෂ්ට අයුරින් පෙන්වා දුන්නා. මේ චිත්රපට මාලාවේ සාර්ථකත්වයත් සමඟ ඇය ලෝකයේ ඉහළම ආදායම් ලබන නිළියන් අතරටද එක්වීමට සමත් වුණා
