ඉංග්රීසි පාලන සමයේ (1913) මෙරට සිටි බ්රිතාන්ය සිවිල් නිලධාරියෙකකු වූ ලෙනාර්ඩ් වුල්ෆ් විසින් දිවයිනේ ග්රාමීය කැලෑබඳ ගමක මිනිසුන්ගේ ජීවිත වල යථාර්ථය විස්තර කරමින් ලියූ විශිෂ්ඨ නවකතාවක් ලෙස සැලකෙන “බැද්දේගම”නවකතාව පාදක කර ගනිමින්, නිර්මාණය වන නවතම ටෙලි නිර්මාණයක වැඩ කටයුතු මේ දින වල සිදු වෙනවා.
ලෙනාර්ඩ් වුල්ෆ්ගේ 'බැද්දේගම' ඉංග්රීසි කෘතියේ සිංහල අනුවාදයක පිටකවරයේ ඡායාරූපයකි.
මේ ටෙලි නාට්යය අධ්යක්ෂණය කරන්නේ මීට පෙර ආදරණීය කතාවක්, මන්දාරා, දේදුනු ආකාසේ .. වැනි ජනප්රිය චිත්රපට මෙන්ම සකූගේ කතාව, සකූගේ ලෝකය.. වැනි ටෙලි නිර්මාණයන් ද ප්රේක්ෂකයා වෙනුවෙන් තිළිණ කළ ප්රියන්ත කොළඹගේ විසිනුයි.
මීට රංගනයෙන් සෞම්ය ලියනගේ, උමාලි තිලකරත්න, රෙබෙකා දිල්රුක්ෂි, අකලංක ප්රභාෂ්වර, ආනන්ද කුමාරඋන්නැහේ, මාධනී මල්වත්ත, ප්රියන්කර රත්නායක, මල්කාන්ති ජයසිංහ, චරිත් මධුරංග, ටෙරී ජයසිංහ, නිම්මි මනෝහරි, රංජිත් කඩුපිටිය, නයනා හෙට්ටිආරච්චි, සනත් බලංගොඩ සමග තවත් ප්රවීණ රංගන ශිල්පීන් ගණනාවක් දායක වෙනවා.
මෙහි තිර කතා වින්යාසයෙන් - ප්රියන්ත කොළඹගේ, විපුල සුමනසේකර, තිර රචනයෙන්. - කාවින්ද මලවිආරච්චි, ප්රියනාත් විදානපතිරන, කැමරා අධ්යක්ෂණයෙන්. - ලක්ෂ්මන් වික්රමතිලක, සංස්කරණය සහ වර්ණ සංකලනයෙන් - මේඝ කාවින්ද කොළඹගේ, සහය අධ්යක්ෂණයෙන් - ප්රියන්ත ශ්රී සමරකෝන්, VFX - දසුන් සන්දීප කොළඹගේ, කලා අධ්යක්ෂණයෙන් - ලෙස්ලි විමල් වීරසිංහ, ඇඳුම් නිර්මාණයෙන් - හර්ශන ලාල් කුමාර, වේෂ නිරූපනයෙන්. - සංජය නිපුන ආරච්චි, කොන්ඩා නිර්මාණයෙන් - රුචිර කහඳ, සංගීතයෙන් - නවරත්න ගමගේ දායක වෙනවා.
'බැද්දේගම' ටෙලි නිර්මාණය නිෂ්පාදනය කරන්නේ ප්රියන්ත කොළඹගේ සහ ලසිත ගුණසිංහ විසින් වන අතර ,‘’Colombage Films and Creative Force’ ඉදිරිපත් කිරීමක් වනවා.
ඉතින් නුදුරේදීම "බැද්දේගම සිලිඳු, ඩිංගි, පුංචිමැනිකා, හින්නී කේන්ද්ර කරගත් ජීවිතවල කේදනීය යථාර්තය...,
විශිෂ්ඨතම නවකතාවක රූපමය දිගහැරුම පුංචි තිරයේ දැකගන්නට ප්රේක්ෂකයාට අවස්ථාව උදා වනු ඇති.
මතු දැක්වෙන්නේ “බැද්දේගම” ටෙලි නිර්මාණයේ දර්ශන තලයෙන් ලබාගත් ඡායාරූප කිහිපයක්.
(ඡායාරූප උපුටා ගැනීම 'Priyantha Colombage' නිල ෆේස්බුක් පිටුව ඇසුරිනි)
